Herbergin eru fallega innréttuð og hefur hvert herbergi sér baðherbergi með ‚walk-in‘ sturtu, queen size rúmi eða 2x80cm rúmum, sófa sem hægt er að breyta í rúm fyrir 1 fullorðinn eða 1-2 börn, ísskáp, matarborð og stóla fyrir 4, sjónvarp, kaffivél, verönd, öryggishólf og frítt WiFi. Rúmfatnaður og handklæði eru innifalin. Á neðri hæð hótelsins er skíða- og hjólageymsla þar sem finna má læsta þurrkskápa sem tilheyra hverju herbergi en þar er hægt að geyma og þurrka útifatnað og annan viðbúnað. Í skíða- og hjólageymslunni er aðstaða til að geyma skíðabúnað, hjólabúnað og annan viðbúnað sem gestir eru með í för. Á sama stað má einnig finna þvottaaðstöðu sem gestir hótelsins geta nýtt sér gegn gjaldi.